Виртуал ончер-влак Электрон каталог Аклыммут

«Умничка » клуб шке тургымжым почын

ks410 сентябрьыште книгагудысо «Vоображариум» лӱман пӧлемыште йоча-влаклан «Умничка» модыш клуб у тургымым почын. Икшыве-шамыч шке йолташышт-влак дене кумылын вашлийыныт, адакшым у ӱдыр-рвезе-влак денат палыме лийыныт. Икшыве ден ача-ава-шамычлан икымше занятийым педагог ден психолог эртареныт. Йоча-влак идалыкысе пагытла дене, шыже пӱртӱсыштӧ лийын шогышо вашталтыш дене палыме лийыныт. Нуно туштым туштеныт, модыш дене модыныт. Психолог ача-ава-влаклан йочам вияҥдыме шотышто ятыр ой-каҥашым пуэн. Мучашлан чыланат  «Шыже чодырасе йомак» темылан аппликацийым ыштеныт.

Мемнан клубын занятийышкыже чыла кумылан йоча-влакым пагален ӱжына!

Занятий-влак 2 гыч 5 ияш марте икшыве-влаклан эртаралтыт.

ks3 ks2 ks1


Лӱдыкшыдымылык школ

P1020791 - копия

Лӱдыкшыдымылыклан пӧлеклалтше месячник негызеш книгагудышто «Лӱдыкшыдымылык школын» модыш занятийже-влак эртеныт. Тушто «Шонанпыл» Православный йочасад гыч икшыве-влак да Бауман лицейын 7 «б» классыштыже тунемше-влак лийыныт. Тунемше-шамыч Нина Павловна Иванова дене вашлийыныт. Тудо  – Утарыше-влакын Всероссийский студенческий корпусысо региональный пӧлкам вуйлатыше.


Екатерина Клюжева дене вашлиймаш

Рисунок4Екатерина Клюжева тыглай  писатель гына огыл, а йоча писатель. Икшывылан возаш поснак кугу мастарлык кӱлеш. Вет йочалан возышо айдеме тӱням йоча семынак ужын да шижын моштышаш.
Вашлиймашыш Йошкар-Оласе А.С.Пушкин лӱмеш гимназийын 3«в» ден 3«д» класслаштыже тунемше-влакым ӱжмӧ ыле. Тӱҥалтышлан Екатерина Клюжеван творчествыж нерген презентайций да книга ончер дене палыме лийме.


Карелий гыч Урал марте

DSC04885  Икымше сентябрьыште элнан кажне тунемшыже Шинчымаш кечым пайремла. Тидын годым икымше урокын темыже — Тӱнямбалсе тыныслыкым аралыме теме.

Тиде мотор да шокшо кечын книгагудышкына Торгово-технологический колледжын студентше ден Бауманский лицейын тунемшыже-влак толыныт ыле. Нунылан «Карелий гыч Урал марте» этнографический экскурсым эртарыме.


Шун таблице деч электрон лаштык дек

DSC0297519 майыште книгагудышто Славян тиште да тӱвыралан пӧлеклалтше «Шун таблице деч электрон лаштык дек» сылнымут лоций эртен. «Детство» психолого-педагогический, медицине да социал полыш рӱдер гыч йоча ден ача-ава-влак тиштын шочмыжо, тудын вияҥмыж нерген пален налыныт.


«Ме Юл воктене илена » регион кокласе веб-конференций

DSC0295318 майыште книгагудын лудшыжо-влак «Ме Юл воктене илена» регион кокласе веб-конференцийыште участвоватленыт. Тудо кумда эҥерын экологийжылан  пӧлеклалтын.

Конференцийлан Саратов оласе Пушкин лӱмеш йоча да самырык-влаклан книгагудо вуйын шоген. Тушто Астрахань, Нижний Новгород, Ульяновск, Лениногорск да моло олала гыч лудшо-шамыч участвоватленыт.


«Тыгерак ила чонем»

DSC02910

Мемнан книгагудыштына марий поэтессе Альбертина Иванова дене творческий вашлиймаш эртен.

Марий лудшылан тудын поэзийже моткоч лишыл да палыме. Литературовед С. Чеснокован палемдымыж почеш, А. Иванован мурпашаже яндар да раш йӱкан, лирический геройжо чыным кычалше, илышым йӧратыше. Поэтесса ятыр жапым кусарыме пашалан ойыра. А.П.Иванова — Олык Ипай лӱмеш кугыжаныш премийын лауреатше, Марий Эл Республикысе сымыктышын сулло пашаеҥже. 


^
КӰШКӦ