Виртуал ончер-влак Электрон каталог Аклыммут

«Леведыш ӱмбалне илыше Карлсон». Интерактивный викторине

DSC0700114 ноябрьыште  швед писательнице Астрид Анна Эмилия Линдгрен шочын,  кудыжо тӱнямбалсе чыла йоча-влакын йӧратыме авторышкыжо савырнен. Тудо мыланна о йомак-влакым веле огыл, тыгак ятыр весела историйым пӧлеклен. Нунын геройышт — тӱрлӧ оҥайым шонен лукшо ӱдыр-рвезе влак.


«Шӱклаш огыл, а моторлыкым шочыкташ»: фоторамкым ышташ мастар класс

1495580503_maxresdefaultРемонт пытен, а у обой гыч кодшо лаштык-влак дене мом ышташ? Изишак тыршымашым пышташ да фантазий кумылым лукташ гын, шкешотан да кӱлешан пӧлекым ышташ  але пӧлемым моторын сӧрастараш лиеш.

Обойлан у шӱлышым пурташ шуко йӧн уло. Ме тыглай вариантым темлена — фоторамкым ышташ.

 «Шӱклаш огыл, а моторлыкым шочыкташ» мастар классыш пагален ӱжына,  

тудо  12 ноябрьыште  11.00. шагатлан тӱҥалеш.

Тендам  304-ше  пӧлемыште вучена.
Мастар класслан тӱлымӧ ак: 100 теҥге, книгагудын лудшыжо-влаклан — 75 теҥге.


«Шӱмыштӧ шочшо сем-влак»

54534_300 Яков Андреевич Эшпайын лӱмжӧ мемнан республикыште веле огыл, элна мучкат сайын палыме. Тудын усталык пашаже шуко тӱрлӧ шӧрынан. 21 ноябрьыште книгагудын ончер пӧлемыштыже марий семым йӧратыше-влак Я.Эшпайын «Шӱмыштӧ шочшо сем-влак» лӱман усталык портретше дене палыме лийын кертыт.

 

 Мероприятий 12.00. шагатлан тӱҥалеш.

Книгагудыш пагален ӱжына!



«Ме — элнан ужашыже, ме — Российын ик лукшо»

DSC066464 ноябрьыште уло элна кугыжаныш пайремым — Калыкын икоян улмо кечыжым — пайремла. Тений  Марий автономийым ыштымылан — 97 ий. Марий Эл Республикына Российын пӱрымашыж дене ойыраш лийдымын кылдалтын. Тиде жапыште экономике, тӱвыра, илышкыл иксемын кылдалт вияҥыныт, марий калыкна шкенжын калык йӱлажым, шӱм-чон поянлыкшым арален коден кертын.

Мемнан книгагудысо краеведений да периодике пӧлкаште пайремлан пӧлеклалтше книга ончер почылтын. Тушко марий калыкнан историйже, тӱвыраже, илыш-йӱлаж нерген литературым чумырымо.


Зоя Дудина дене пырля

image62301329 2017 ий 16 ноябрьыште В.Х.Колумб лӱмеш Республикысе йоча ден самырык-влаклан книгагудышто марий  поэтессе Зоя Дудинан  «Доля земная» рушла лекше  книгажын презентацийже лиеш.

Зоя Михайловна — 11 поэзий книган авторжо, М.А.Кастрен лӱмеш сылнымут премийын лауреатше (2000, Финляндий),  «Марий Элын идалыкысе книгаже» конкурсын лауреатше (2006), Марий Эл Республикысе тӱвыран сулло пашаеҥже (2000), Россий писатель ушемын еҥже ( 2002 ий гыч). Поэтессын почеламутшо-влакым финн, эстон, венгр, лив да моло  йылмылашке кусарыме. Тудо тӱрлӧ йылмыласе  сылнымут произведений-влакым марий йылмыш ятыр кусарен да кызытат тиде пашалан шуко вийым да жапым ойыра.

Зоя Дудина тӱрлӧ  жанран почеламутым серыме дене ойыртемалтеш. Тудын творчествыштыже чыла гаяк лирический жанр ден формо-влак вашлиялтыт:  сонета, муро, элегий да т.м. З.Дудинан поэзийыштыже ойыртемалтше жанр семын кумалтыш мут дене возымо почеламутшо-влакым шотлыман. Авторын сылнымут пашаже кызытсе  марий литературыштына кӱкшӧ да кумда верым айла. Илышын шере-кочыж нерген шонкален, поэтессе лирический геройжо-влак дене пырля куана, шортеш, йӧрата…

Марий поэзийын поро йолташыже-влакым Зоя Дудина дене творческий вашлиймашыш пагален ӱжына. Тудын у книгаж дене палыме лияш сай йӧн уло!

 


«Мый йӧратем родной элемым…»

DSC06196-1

      Вашлият кажным, порын ончалын,

      Налын кидыш ош кинде-шинчалым,

      Марий Эл, пӱрымаш тыйын тиде,

      Той кылтат чевер муро ден пидме…

                                           В.Изилянова

 

 

 

 


Кажне ийын, 4 ноябрьыште, ме Марий Эл Республикын шочмо кечыжым палемдена. Тиде пайрем вашеш В.Х.Колумб лӱмеш йоча да самырык-влаклан книгагудо Йошкар-Оласе Шинчымаш виктем дене пырля  «Мый йӧратем родной элемым…» почеламут конкурсым эртареныт. Тушто оласе школлаште тунемше йоча-влак шке вийыштым тергеныт.


«Иктешлыше вашмутым пуэна – наркотиклан «Уке!»

large_3 Пӱртӱс  айдемылан  пиалан лияшыже чыла йӧным ыштен. Пушеҥгым, чевер кечым, яндар вӱдым, ӱян мландым пуэн. Да мемнам — вияным, моторым, тазам, уш-акыланым. Айдеме пиалан лияш шочеш, шоналташ гын, тудын чоныштыжо осал шӱлышлан вер лийшаш огыл. Но южышт шке илышыштым наркотик дене пытарат.

Наркоманий дене кылдалтше преблемылан самырык коклаште «Иктешлыше вашмутым пуэна — наркотиклан «Уке!»агитационный плакат конкурсым увертарыме ыле. Тудо мемнан книгагудыштына 2017 ий 24 апрельыште тӱҥалтышым налын.