Йӧратыме теле пайрем — У ий лишемеш. Ойлат, кузе У ийым вашлият, туге тудым эртарет. Тугеже пайрем весела да шарнаш кодшо лийшаш. Тидланже книгагудышто вераҥдыме «Кожын йылгыжше тулыштыжо» лӱман книга ончер-пайремат полша, шонена. Книга ден журнал лаштыклаште ятыр У ий сценарийым, саламлымашан текст, пӧрткӧргӧ ден пайрем ӱстелым сӧрастарыме каҥаш-шамычым муаш лиеш.

Шарныза, пайрем шӱлышым поснак шке кид дене ыштыме пӧлек пурта. Садлан полыш семын «Радуга идей», «Девчонки–мальчишки. Школа ремесел» да моло журналат ончалаш пайдале лийыт. А эше У ий дене кылдалтше тӱрлӧ роман ден детектив-влак кумылдам савырат.

Книгагудыш пагален ӱжына!

---