Вашке 1812 ийысе Отечественный сарыште руш калыкын сеҥымыжлан 210 ий темме лӱмеш кечым палемдена. Тиде сар Россий кугыжанышын да руш армийын историйыштыже кугу верым налеш.  Юбилейлан пӧлеклалтше «Руш чапын пасужо: Бородино» книжно-иллюстративный ончерым книгагудысо лудмо пӧлемыште ончаш лиеш.  

Икана веле огыл руш калык шке мландыжым тушман деч аралаш кынелын. Но Наполеон ваштареш 1812 ийысе Отечественный сар годсо гай калыкын икоян, кугу чон куатан улмыжым Россий тымарте пален огыл. Ончерыште лудшо-влаклан тиде сар нерген ятыр литературым темлат: тӱҥ событий, посна эпизод-влак, талешке-шамыч, тыгак ятыр памятник дене палыме лияш йӧн уло.

---