Республикысе В.Х.Колумб лӱмеш йоча да самырык-влаклан книгагудо Марий Эл Республикын библиотека, туныктыш тӧнеж, сымыктыш тӧнеж, мер ушем, усталык ушем пашаен-влакым да тыгак Россий Федерацийысе моло субъект-влакым «Кугезына-влакын легендышт» Регион-влак кокласе книгагудо акцийыш  ушнаш ӱжеш.

26 апрельыште Марий Эл Талешке кечым палемда. Тидыже мемнан историйнам шергалаш, шочмо кундемна нерген кугешнен ойлаш сай амал. 

Кажне калыкын историйыштыже шке калыкше верч шогышо геройжо-влак улыт. Руш-влак Дмитрий Донской ден Сергий Радонежский, эстон-влак Лембиту, венгр-влак Янош Кошут, мордва-влак Бургас дене кугешнат. Марий калыкын мифологический да исторический геройышт — Болтуш, Онар, Чумбылат, Чоткар-патыр, Кокша, Мамич-Бердей, Акпарс, Акпатыр. Нунын нерген уло мом каласаш.

Акций 2021 ий 12 апрель гыч 12 май марте шуйна.  Нине кечылаште  ме тыланда патриотизм шӱлышеш куштымо да марий талешке нерген каласкалыше мероприятий-влакым эртараш темлена, тыгак меропритйым эртарыме нерген уверым  «ВКонтакте» социал сетьыште #ЛегендыНашихПредков хештег дене  палемдыме  сообщество лаштыкыште  пуыман.

 2021 ий 12 май марте акцийын участникышт-влак отчетный формым ыштен, rdub_kp@mail.ru электронный адресыш колтышаш улыт.

Акцийыш ушнышо тӧнеж-влакын пашаштым шотыш налын, нунылан 2021 и1 31 май марте Сертификат пуалтеш.

Акций нерген кумданрак  Положенийыште

---