2020 ий 21 декабрьыште Российысе кугыжаныш йоча книгагудо  Эдуард Успенский лӱмеш «Кугу йомак» сылнымут премийын лауреатше-влакым палемден.

Эдуард Успенский лӱмеш «Кугу йомак» премий 2020 ийыште  12 ияш марте ийготан йоча-влаклан возымо произведенийын авторыштым палемдаш ышталтын. Кӱкшӧ качестван сылнымут да научно-популярный произведений-влак литературым йӧраташ, йочам лудаш кумылаҥдаш возалтыт.  Премийым  Российысе кугыжаныш йоча книгагудо,  «Лудшым куштена» лӱман Тӱвыра, сымыктыш да просвещений ассоциаций РФ Тӱвыра министерствын полшымыж дене ыштыме.  Жюри еҥ-влак: писатель Андрей Усачев (председатель), композитор, РФ-н сулло пашаеҥже  Григорий Гладков, актер, театральный режиссер,  РФ-ын калык артистше Александр Левенбук, литературный критик, Корней Чуковский лӱмеш музей-пӧртын научный сотрудникше, «Новый мир» журналын поэзий пӧлкажым вуйлатыше Павел Крючков, йоча писатель-влак Михаил Мокиенко, Анастасия Орлова да Марина Потоцкая. Премийын кураторжо – йоча писатель Михаил Першин.

«Йомак» номинацийыште сеҥыше-влак:

1.  Алена Алексина. «Переводчик с собачьего».

2. Ксения Горбунова. «Однажды в шкафу».

3. Наталья Евдокимова. «Павлин на прогулке».

4. Оксана Иванова. «Приключения дракона и кота».

5. Григорий Кружков. «Гном Гильом и лунный котёнок».

6. Лада Кутузова. «Первое слово съела корова».

7. Юлия Лавряшина. «Пока, лосось!».

8. Анастасия Строкина. «Бусина карманного карлика».

«Весела учебник»  номинацийыште сеҥыше-влак:
1. Марина Аромштам. «Две удивительные истории».
2. Дарья Плаксунова. «Секреты привычных вещей».
3. Ирина Цхай. «Храброе семечко. Грибные истории»

Палемдыман: Э.Успенский нерген  тудын йолташыже-влакын «Жил-был один писатель…» шарнымаш книга кызыт гына ош тӱням ужын.

---