Виян лийже мече, ракетке,

Ужар пасу ден кечыйол!

Виян лийже каныш! Виян лий, поход!

Иктат таза спорт деч шеҥгек ынже код!

Кажне айдемын эн кугу поянлыкше — тиде ТАЗАЛЫК! Таза, пеҥгыде да виян лияш СПОРТ полша. Физкультур пайдале, а весела физкультур — кок пачаш. «Таза лий!» — тыге маналтын мемнан книгагудышто эртыше спорт да тазалык пайрем. Пайремын изи участникышт вашла шке вийыштым, писылыкыштым, чулымлыкыштым тергеныт, спорт дене кылдалтше йодыш-влаклан вашмутым кычалыныт, туштым туштеныт.

Тӱрлӧ конкурс-шамычат йоча-влаклан моткоч келшен! Сеҥалтше лийын огыл! Кажне участник шкенжым шке сеҥен, а тидыже эн тӱҥ! 

Конкурсым иктешлымеке, чыла участник-влак мемнан партнерна «Прометей» книга кевыт деч пӧлекым налыныт!!!

 

---