20 февральыште В.Х.Колумб лӱмеш Республикысе йоча да самырык-влаклан книгагудышто «Книгагудо — йоча лудыш рӱдер» семинар-совещаний лиеш. Семинарын пашаштыже йоча рӱдӧ книгагудо-влакын, Марий Эл Республикысе районлаште улшо  книгагудо-шамычын вуйлатышышт ден специалистышт-влак участвоватлат.

Совещаний жапыште 2018 ийыште йоча-влак дене ыштыме пашам иктешлат, шке пайдале методикышт дене палдарат, краеведений дене, патриотический воспитаний дене паша опытыштым темлат, цифровой среда манмаште лудмо сомылым вияҥдымаш нерген мутланаш тӱҥалыт. Вашлиймашын участникше-влак йоча-шамыч коклаште  шке элысе да тӱнямбал сылнымутым лудмашым вияҥдымаш шотышто  театрально-зрелищный йӧным кучылтмо практикышт денат палымым ыштат. Уна-влак тыгак 2019 ийыште ыштышаш паша нерген мутланаш тӱҥалыт.

---