26 сентябрьыште книгагудышто эн изи лудшына-влаклан «Маршакын кугыжанышыже» лӱман  сылнымут пайрем эртен. Тудо кумдан палыме  йоча поэт Самуил Яковлевич Маршакын шочмыжлан 130 ий теммыжлан пӧлеклалтын.

Мыланна тиде лӱм йоча годсек сай палыме. Тудын почеламутшо-влак куаным кондат, порылыклан туныктат, уш-акылым кумдаҥдат. 37-ше номеран йочасадын икшывыже-влак Помидорка клоун дене пырля ятыр конкурс да викториныште участвоватленыт, тӱрлӧ сценкым ончыктеныт, почеламутым лудыныт.

Чыла кумылан-влакым «Маршакын кугыжанышышкыже» пагален ӱжына.

Лекше йодыш-влакым 34-15-12 тел. дене рашемдаш лиеш.

---