Виртуал полыш службо

Кӧ деч да могай йодмашым налына?

— йоча да самырык-влак деч;

— йоча лудышлан вуйын шогышо-влак деч (закон почеш йочам ончышо, туныктышо, воспитатель).

Могай йодмашым ончена?

— мемнан книгагудысо книгам аралыше фондышто улшо савыктышлан йодмаш;

— кӱлешан книга нерген рашемдыше йодмаш;

— тематике могырым йодмаш;

— кӱлешан фактым рашемдыше йодмаш (событий, посна объект, еҥ, организаций нерген, тыгак иктаж терминын мом ончыктымжа да т.м.).

Могай йодмаш-влак вашмут деч посна кодыт?

— модыктыш дене кылдалтше йодмаш (кроссвордлан, викторинылан, интеллектуал модмашлан вашмутым кычалаш полшымаш);

— физики, химий, математике да т.м. предмет дене задачылан вашештыме шотышто йодмаш;

— ямде рефератым, курсовой пашам, сочиненийым да т.м. пашам ыштен пуымо шотышто йодмаш;

— Россий Федерций законодательствым пудыртен кертше йодмаш;

— шотлан толдымо йодмаш.

Кушто да кузе кычалаш?

Йодмашым книгагудысо традиционный да электронный полшык аппарат гоч але Интернетыште почылтшо ресурс-влак гоч пуаш лиеш. Полышым тыгак книгагудыш мийыше печать да электрон савыктышлаште налаш лиеш.

Вашмутын формыжо

Йодмашлан вашмутым тыге налаш лиеш:

— кӱлеш источникым ончыктыман ямде вашмут;

— Интернет полшымо дене кӱлешан уверым шкегыч налаш ссылке;

— литератур списке (10 библиографический возыш марте).

Йодышым пуаш манын, йодмаш формым возыман.

Лекше формышто шке нерген уверым (лӱм да электрон почтын адресше) пуыман, йодмашым возыман, контрольный кодым ешарыман да «Отправитель» манын возымо тураш темдалман.

Йодмаш кечыгут налалтеш. Йодышлан вашмут кум кече жапыште (шочмо — изарня) электрон почто дене колталтеш. Йодышым раш возыман да икте деч шукырак пуаш тыршыман огыл. Лач тиддеч вашмутын тичмашлыкше да писылыкше шогат.

Виртуал полыш службо дене яра пайдаланыман!

Тиде сервис сайтыште регистрироватлалтше-влаклан. Пожалуйста, пурыза але регистрироватлалтса.
^
КӰШКӦ