РУССКИЙМАРЛА КАРТА САЙТА

Шун таблице деч электрон лаштык дек

DSC0297519 майыште книгагудышто Славян тиште да тӱвыралан пӧлеклалтше «Шун таблице деч электрон лаштык дек» сылнымут лоций эртен. «Детство» психолого-педагогический, медицине да социал полыш рӱдер гыч йоча ден ача-ава-влак тиштын шочмыжо, тудын вияҥмыж нерген пален налыныт.

Славян тиште Х курымышто шочын, тидыже кугу событий — Русьым тынеш пуртымо — дене, тыгак азбукылан тӱҥалтышым пыштыше апостол-влак Кирилл ден Мефодийын лӱмышт дене кылдалтын. «Оҥа гыч оҥа марте лудаш» манме ойсавыртышын мом ончыктымыжо вашлиймаш годым чылалан раш лие. Тудо «тӱҥалтыш гыч мучаш марте» манме лиеш. Акрет годсо книга ком коваште дене комыжлыман оҥа гыч ышталтеш улмаш. Тудым шӧртньӧ да  шергакан кӱ дене сӧрастареныт.

Мучашлан йоча-влак ик тошто книгасе таблице почеш шке лӱмыштым глаголице дене возеныт. Тыгай возымым ужаш нунылан оҥай лийын. Тиде вашлиймаш шке калыкын тӱвыражым, тиштын историйжым сайрак палаш амалым ыштен.

DSC02983 DSC02979 DSC02974