РУССКИЙМАРЛА КАРТА САЙТА

«Ме Юл воктене илена » регион кокласе веб-конференций

DSC0295318 майыште книгагудын лудшыжо-влак «Ме Юл воктене илена» регион кокласе веб-конференцийыште участвоватленыт. Тудо кумда эҥерын экологийжылан  пӧлеклалтын.

Конференцийлан Саратов оласе Пушкин лӱмеш йоча да самырык-влаклан книгагудо вуйын шоген. Тушто Астрахань, Нижний Новгород, Ульяновск, Лениногорск да моло олала гыч лудшо-шамыч участвоватленыт.

Икымше гана Юлын кечыжым 9 ий ончыч Нижний Новгородышто палемденыт. Вара Российын вес регионжо-влак ушненыт, нунын коклаште Марий Эл Республикат лийын. Пайрем эҥерым аралыме проблеме деке тӱткырак лийме амал дене эрта. Пӱтынь Юл кундем мучко экологический да просветительский акций, калык промысел ярмиҥга, модыш да концерт программе-влак эртат, а кумылан-шамыч Юл эҥерым эрыкташ лектыт.

Конференцийын участникше-влак Юл эҥерын могай улмыж нерген, тудым аралыме шотышто паша кузе каен шогымо нерген каласкаленыт.

Торгово-технологический колледжысе 1-ше курсышто тунемше Анастасия Сергеева Марий Эл кундемыште Юл эҥерын вӱд бассейнже нерген ойлен. Шке выступленийыштыже пытартышлан палемден: ме кажныже шочмо кундемын пӱртӱс поянлыкшым арален да шукемден толшаш улына.

DSC02948 DSC02945DSC02947 DSC02942