РУССКИЙМАРЛА КАРТА САЙТА

Сар ийласе йоча-влак

IMG_97574 майыште 37 номеран йочасадыш коштшо икшыве-влак «Сар ийласе йоча-влак» шарнымаш урокышто лийыныт. Мероприятий «Йоча-влаклан сар нерген лудына» акций негызеш эртен.

Йоча-влак Германийын  Совет Союзыш кенета керылтмыж нерген, тудо жапыште лӱддымӧ изи ӱдыр-рвезе-шамычын  подвигышт нерген ӧрын колыштыныт. Сар жапыште ятыр икшыве бомбо йымаланат, шуженат колен, самырык-влак кугу еҥ-шамыч дене тӧр пашам ыштеныт, сӧй пасуштат, партизан отрядлаштат лӱдде кредалыныт. Вашлиймашыш толшо йоча-влак писатель  А. Гребенинын «Вера Иванова» ойлымашыж дене палыме лийыныт. Тушто кум ияш изи ӱдыр нерген ойлалтеш, кудыжо медшӱжарлан полшен, ятыр салтакым колымаш деч утарен. Изи санитаркын поро пашажым командований кӱкшын аклен: Вера «За боевые заслуги», «За взятие Кенигсберга», «За победу над фашистской Германией в Отечественной войне 1941-1945 гг.»медальла  дене палдемдалтын. Книгагудо пашаеҥ-влак  «Рассказы о войне» лӱман поян ончерым чумыреныт, тудат йоча-шамычлан пайдале лийын.

IMG_9758-1

IMG_9754