Могай сай тӱняште сар дечын посна!

Rate this post

yz2JX6keL18Сеҥымаш кече мыланна — поснак шерге пайрем. Ме шучко тушманым сеҥенна, кудыжым иктат сеҥен кертын огыл. Ме палышаш улына, кӧ мыланна сеҥымашым лишемден, шке эрыкшым пуэн. Ветеран-влаклан мланде марте вуйнам савена. Нуно огыл гын, можыч, ты тӱняште ме огынат лий ыле. Тиде кече уло тӱнялан урок семын лийын кодеш. Сар — тиде ойго, тудо мӧҥгеш пӧртылшаш огыл! Мемнан книгагудыштына Сеҥымаш кечылан пӧлеклалтше «Могай сай тӱняште сар дечын посна!» почеламут конкурс эртен. Тушто йочасадыш коштшо да изирак класслаште тунемше-влак шке вийыштым тергеныт.  Чылаже 92 йодмаш пурен. Конкурсышто В. Степановын, С. Маршакын, М. Владимовын, А. Усачевын, Л. Тассин, марий поэт В. Колумбын да ятыр молын почеламутыштым йоча-влак уло кумылын каласкаленыт. 

 Икшыве-влакын лудмыштым жюри аклен. Тиде — Алексей Анатольевич Веселов — Россий писатель ушемысе Марий региональный пӧлкан вуйлатышыже, талантан поэт да кусарыше Герман Прохорович Пирогов, поэтесса, Олык Ипай лӱмеш кугыжаныш премийын лауреатше Надежда Геннадьевна Гордеева (Никитина), Йошкар-Оласе ветеран-влак ушемын председательже Эмилия Константиновна Миненкова, поэтесса, книгагудо пашаеҥ Елена Ильдусовна Мурзанова да вӱдышӧ библиотекарь Татьяна Валерьевна Ленкова.

Кушкын толшо тукымым Кугу Отечественный сар жап ятыр ийлан торен шога гынат, нуно коча, кугезе коча-влакын подвигышт нерген почеламут гоч палаш да шарнаш тӱҥалыт.

Паша-влакым аклен, жюри тыгерак аклен:

Йочасадыш коштшо-влак коклаште:

1 вер — Федяров Михаил (Йошкар-Оласе 5 номеран «Хрусталик» йочасад).

2 вер – Конаков Григорий (Йошкар-Оласе 49 номеран»Лесная сказка» йочасад).

3 вер – Мосунова Дарья (Йошкар-Оласе 15 номеран «Елочка» йочасад).

Изирак класслаште тунемше-влак коклаште:

1 вер — Халтурина Полина (Йошкар-Оласе 30 номеран школ).

2 вер – Полякова София (Йошкар-Оласе 6 номеран школ).

3 вер – Рослякова Карина ( Йошкар-Оласе 29 номеран школ).

Сеҥыше-влак диплом да пӧлек дене палемдалтыныт, чыла участник-шамычлан сертификатым кучыктымо.
DSC02350-1 DSC02354-1 DSC02358-1 DSC02385-1 DSC02389-1 DSC02390-1 DSC02391-1 DSC02392-1 P1020732_cr2 P1020733_cr2 P1020734_cr1 P1020741_cr2 P1020742_cr2 P1020743_cr2 P1020744_cr2 P1020749_cr2 P1020752_cr2P1020755_cr2


Тыгак ончо: «Могай сай тӱняште сар дечын посна!» галерей.

Поделиться в социальных сетях

0