РУССКИЙМАРЛА КАРТА САЙТА

«Олан экологий книгаже» мутланымаш шагат

DSC00837 Экологий ийыште йырым-йырысе пӱртӱс дене кылдалтше йодыш-влак самырык-шамычымат ӧрдыжеш огыт кодо. 2017 ий 4 апрельыште книгагудышто «Олан экологий книгаже» мутланымаш шагат эртен.

Йошкар-Оласе экологий да пӱртӱс дене пайдаланыме шотышто комитетын вӱдышӧ специалистше Лоскутова Мария Владимировна  Торгово-технологический колледжын студентше-влак ончылно оласе пӱртӱс дене кылдалтше йодыш-влакым нӧлталын. Тудо южын да вӱдын лавыргымыже, кушкылын начар вияҥмыж дене айдемын тазалыкшылан кугу эҥгек ышталтме нергенат ойлен. Мария Владимировна куштыра ден торым кузе утилизацийыш колтымо шотыштат каласкален. Мутлан, ртутян тошто лампе ден батарейке-влакым мом ыштыман — умылтарен.

Вашлиймаш мучаште специалист олаште пӱртӱслан пӧлеклалтше мероприятий-влак дене палымым ыштен.

DSC00827DSC00828DSC00830