РУССКИЙМАРЛА КАРТА САЙТА

Лудаш, тӱням саемдаш манын

DSC02815Шошо каныш жапыште Россий мучко Йоча книга арня эрта. Тудлан тӱҥалтышым 1943 ий 26 ӱярнян йоча писатель Лев Кассиль ыштен. В.Колумб лӱмеш книгагудышто тений тиде арня «Лудаш, тӱням саемдаш манын» девиз дене эрта.

24 гыч 31 ӱярня марте книгагудышто ятыр оҥай да пайдале  мероприятий-влак лийыт: писатель дене вашлиймаш, оҥай путешествий, сылнымут кас, модыш-квест да тулеч моло. Йоча книга арня 24 ӱярнян марий  писатель-влак Е.М.Клюжева и С.Е. Шелеповын книгашт почеш ямдылыме «Йомак почеш йомак» пайрем дене тӱҥалеш.

26 ӱярнян йоча-шамычым «Йомдарыме жап нерген йомак» лӱман путешествийыш ӱжына. Нуно юзо йомак тӱняш логалыт, жапым кузе оҥай книгам лудын пайдалын эртараш — пален нлыт.

Модыш семын эртарыме программыште йоча писатель К.И.Чуковскийын  «Муха-Цокотуха», «Федорино горе», «Айболит» йомаклаж гыч герой-влак дене палыме лийыт.

29 ӱярнян  «Марий каван пÿркытшӧ» поэтический кас эрта. Тудо поэт Олык Ипайын 105 ияш лӱмгечыжлан пӧлеклалтын.

Кызытсе сылнымутым йӧратыше-влакым 30 ӱярнян «Сай сылнымут шагат»  обзор — презентацийыш ӱжына. 14 ияш гыч йоча-влакым, ача-ава да педагог-шамычым вашлиймашыш вучена.

Йоча книга арня  А.Н. Островскийын «Гроза» пьесыж почеш шындыме спектакль дене мучашлалтеш. Тудым Марий Элысе Медицинский колледжын театральный студийже шында. Вуйлатышыже Козлова Ольга Николаевна.

Чыладам книгагудыш пагален ӱжына!