РУССКИЙМАРЛА КАРТА САЙТА

«Сайлымаш — самырык-влакын пашашт» модыш-тренинг

DSC09157Кажне ийын пургыж тылзыште элна мучко Самырык сайлышын арняже палемдалтеш. Марий Элысе ЦИКын пунчалже почеш тений тудо республик мучко 18 гыч 24 февраль марте эрта. Тиде амаллан кӧра мемнан книгагудыштына Политехнический лицей- интернатын 8 классыште тунемшышт дене пырля  «Сайлымаш — самырык-влакын сомылышт»модыш-тренинг эртаралтын. Ӱдыр-рвезе-влак кок тӱшкалан шелалтыныт: « XXI курымын самырык тукымжо» да «СССР» (Союз самых современных ребят), 8 модыш  раундым эртеныт, вӱдышын йодышыжо-влаклан вашештеныт, Конституций правам палымышт нерген сай шинчымашым ончыктеныт.

Командын капитанышт-влак олан мэржылан шке кандидатурыштым темлыме сайлымаш программым ямдыленыт, тыгодым рӱдоланан пӱсӧ йодышшо-влакым палемденыт. Тӱшка тренинг годым йоча-влак элыштына эртыше сайлымаш кампанийлан ямде улмыштым ончыктеныт.

Тунемше-влакын шинчымашыштым жюри аклен. Тиде — книгагудын психологшо  Е.А. Орлова да Политехнический лицей- интернатын туныктышыжо  В.В.Чернышова. Самырык тукым умыла: тудо йӱштӧ кумылан лийшаш огыл, элнан вияҥмаштыже тудат шке шонымашыжым темлышаш.

Самырык сайлышын арняже  вашеш книгагудыштына «Элнан ончыклыкшо верч йӱклӧ!» увер ончер пашам ышта, лудшо-влакым избирательный праван кызытсе системыж дене палымым ышта.

Самырык сайлышын арняжлан пӧлеклалтше мероприятийлашке толаш кумылан-влакым ме книгагудышкына пагален вучена!  Тидланже 34-15-12 тел. дене  ончылгоч возалтман.

DSC09158 DSC09159 DSC09160 DSC09163 DSC09167 DSC09178 DSC09179 DSC09183 DSC09191