РУССКИЙМАРЛА КАРТА САЙТА

«Мыйын йӧратыме Андерсен»

?Ганс Христиан Андерсен мемнан изина улмо годымак пӧртышкына поро юзо семын шиждымын толын пура. Тудо чынжымак йомак тӱнян мутмастарже улеш.

19 январьыште  Йошкар-Оласе 9-ше номеран школын кокымшо классыште тунемшыже-влак кумдан палыме йомакче Г.Х.Андерсенын ӧрыктарыше тӱняшкыже миен коштыныт.

«Тулсавыш» (рвезе-влак) да «Дюймовочка» (ӱдыр-влак) команде-шамыч «Мыйын йӧратыме Андерсен» конкурс программе почеш таҥасеныт. Йоча-влак «Снежная королева», «Свинопас», «Стойкий оловянный солдатик»  да тулеч моло йомакла гыч герой-шамычым уло кумылын шарналтеныт. Сеҥыше-влаклан Г. Х. Андерсенын портретшым сӱретлыман медальым кучыктеныт.

Писатель Г. Х. Андерсенын илыш-корныж дене палыме лияш кумылан-шамычым ме 24 январьыште 15 шагатлан Йомак пӧлемыште  вучена.

?