РУССКИЙМАРЛА КАРТА САЙТА

«Лудаш жап!». Самырык тукымын XI-ше лудмашыже

img_4332 2016 ий 27 октябрьыште  В.Х. Колумб лӱмеш Республикысе йоча да самырык-влаклан книгагудышто «Лудаш жап» лӱман самырык тукымын XI-ше лудмашыже эртен. Тиде гана тудын темыже : «Книгагудо-влакын программно-целевой да проектный пашашт».

Марий Эл Республикысе муниципал книгагудо вуйлатыше ден специалист-влак, тыгак Йошкар-Ола тунемме тӧнежласе книгагудо пашаеҥ-влак йоча да самырык тукымым книга дене обслуживатлыме пашам вияҥдымаште шийвундо йодышым каҥашеныт. Марий Эл Республикын тӱвыра, печать да калык-влакын пашашт шотышто министерствын специалистше Г.Г.Чемеков «2013-2020 ийлан Марий Эл Республикын кугыжаныш национальный политикыже» кугыжаныш программе почеш пашам виктарыме нерген каласкален.

 

Республикысе книгагудо-влак программно-проектный пашам сайын виктарат. Мероприятийын участникше-шамыч еш лудмашым вияҥден колтымаш (МБУК «Звениговская межпоселенческая библиотека»), шочмо эл деке йӧратыме кумылым воспитатлымаш (МБУ «ЦБС администрации Волжского муниципального района»), йоча да самырык тукымлан   руш кинематографийын вияҥмыж нерген каласкалымаш (ГБУК РМЭ «РДЮБ им. В.Х.Колумба»), кеҥеж лудмашым эртарымаш (ДБ МУК «Оршанская МЦБ»), йоча да самырык-влакын интеллектуальный канышышт (ДБ МБУК «Моркинская ЦБС»), профориентационный ден краеведческий пашам виктарыме нерген (МБУК «ЦБС г.Йошкар-Олы»), лӱмлӧземляк-влаклан электрон книгам ыштыме нерген (МБУК «Сернурская ЦБС имени Кима Васина») паша-влакым ончен да колышт кертыныт.

Кызыт программно-проектный паша  книгагудылаште моткоч кӱлешан. Тудо — ончыкылык  пашаште  полышым пуышо сай йӧн. Тидымак пеҥгыдемдыш эртыше вашлиймаш.

img_4322 dsc05490 dsc05483 dsc05469