РУССКИЙМАРЛА КАРТА САЙТА

«Книга почеш тӱням»

DSC05355Шукерте огыл республикна Марий Тиште кечым палемдыш. Мемнан книгагудыштат марий тиштылан пӧлеклалтше пайрем мероприятий-влак эртеныт.  Теве Йошкар-Оласе 9-ше номеран школын тунемшышт «Книга почеш тӱням» исторический экскурсышто лийыныт.

Марий тиште эркын-эркын шке корныж дене вияҥ толын. Акрет годсо марий-влак геометрический знак-влакым «тиште» ден «тамгам» кучылтыныт. Нунын гоч еҥ-влак икте-весыштлан увер-шамычым колтеденыт, парымыштым возеныт. Проста калык коклаште тамга-влак XX -шо курымын 30-шо ийлаж марте кучылталтыныт. А эше тиде пагыт коклаштак марий йылме дене икымше сылнымут произведений-влак шочаш тӱҥалыныт. Марий тиштын историйже гыч йоча-влак ятыр оҥай фактым пален налыныт, марий йылмым вияҥдымаште ончылъеҥ-шамыч нерген мутланеныт, XIX-ше курым мучашсе да XX-шо курым тӱҥалтышсе документ-влакын фотокопийыштым ужыныт.  DSC05350 DSC05351 DSC05352 DSC05353