Сандалыкын йоҥгытыштыжо

Оцените этот материал

DSC06528Космонавтика кече –мемнан элыштына ик эн йӧратыме пайрем. Тидлан ӧршаш уке: вет шукынжо изи годым космонавт лияш да сандалыкыш чоҥешташ шонат. 1961 ий 12 апрельыште «Восток» космический корабль дене Юрий Гагарин мланде йыр савырнен. Икымше гана пайремым 1962 ийыште пайремленыт.

Пайрем вашеш 76-шо номеран йочасад ден «Росток» рӱдер, тыгак «Инфосфера» компьютерный школын да 27-ше номеран школын тунемшышт книгагудыш толыныт да Сандалык нерген утларак пален налыныт.    

«Сандалыкын йоҥгытыштыжо» медиапутешествий годым йоча-влак Кече системын чыла планетше гоч виртуально чоҥештен эртеныт. Шӱдыр-влак дек чоҥештыме модыш путешествий жапыште тунемше-влак тӱрлӧ задачылан вашмутым шкештак кычал муыныт.

Юрий Гагарин нерген документальный фильмым ончымеке, тудын илыше йӱкшым колмеке, ятыр йоча космонавт лияш кумылжым ончыктен. Кӧ пала, ала ончыкшым нунын кокла гыч чынжымак иктажше космонавт профессийым ойыра!

DSC06536 DSC06558 DSC06579 DSC07202 DSC07212 DSC07214 DSC07224 DSC07232 DSC07245 DSC07249 DSC07260DSC06565

0
^
КӰШКӦ