В.Х.Колумб лӱмеш Республикысе йоча да самырык-влаклан книгагудо «Валентин Колумбым лудына» регион кокласе II-шо Акцийын тӱҥалмыж нерген увертара.

Акций марий поэт Валентин Христофорович Колумбын шочмо кечыжлан пӧлеклалтеш (3 май) да 2019 ийысе 3 апрель гыч 30 май марте шуйна.

Тышке Марий Эл Республикысе, тыгак Россий Федерацийын моло субъектласе йоча да самырык-влаклан книгагудо-влакым ушнаш ӱжыт.

Акцийын тӱҥ этапше 29 апрель гыч 10 май марте лиеш. Нине кечылаште элнан тӱрлӧ луклаштыже поэзийым йӧратыше-влак марий поэт-новаторым порын шарналтат, а книгагудо ден школлаште В.Х. Колумбын поэзийжым лудыт.

Тиде Акций кушкын толшо тукымлан марий поэзийын моторлыкшо дене палыме лияш, Валентин Колумбын шке шочмо мландыштыже тӱвыра ден сылнымутым вияҥдымыж нерген пален налаш манын эртаралтеш.

 «Валентин Колумбым лудына» Акцийын положенийже

«Валентин Колумбым лудына» Акцийыште участвоватлаш йодмаш

«Валентин Колумбым лудына» Акцийыште участвоватлыме нерген отчетын формыжо

 

---