РУССКИЙМАРЛА КАРТА САЙТА

«Мемнан тукымвожна. Калык ойпогым лудына» I-ше Тӱнямбал Акций

DSC0356521 февральыште «Мемнан тукымвожна. Калык ойпогым лудына» I-ше Тӱнямбал Акций лиеш. Тудо Шочмо йылмын тӱнямбал кечыжлан да Тӱп калык йылме тӱнямбал идалыклан пӧлеклалтеш. Акцийын цельже — кушкын толшо тукымым калык ойпого деке шӱмаҥдаш, изижымат-кугужымат руш, тыгак шочмо йылме дене фольклорым лудаш тараташ. 

Марий калыкын тӱвыраже моткоч поян. Тудын деке лишкырак лияш манын, тиде акцийыште «Ший пӱян Ший Пампалче» марий калык йомакым йӱкын лудмаш лиеш. Ме школласе изирак класслаште тунемше-влакым «Ший пӱян Ший Пампалче» марий калык йомакым йӱкын лудмашке 21 февральыште 11 шагатлан книгагудын ончер пӧлемышкыже пагален ӱжына.

Йылме — калыкын поянлыкше. Тудын полшымо дене еҥ-влак шке шонымашыштым, шижмашыштым прозо, поэтика, муро йӧн дене почын пуат. Марий калыкын йылме поянлыкше, тудын историйже дене  палыме лияш кугурак класслаште тунемше-влакым «Тамга, пале, тиште» информационный шагатыш  пагален вучена. Тудо книгагудышто  20 февральыште 13.40. шагатыште тӱҥалеш.

Калык ойпогын кӱлешлыкшым эше ик гана пеҥгыдемдаш манын, тӱрлӧ калыкын йомак, легенде ден преданийже-влакым  «Кажне калыкын шке мунлыжо» лӱман ончерым погымо.

Шочмо йылмын историйже дене палыме лийнеда — книгагудыш пагален ӱжына!