Марий Эл Республикым Вуйлатыше марий ёлкыш ӱжеш

Rate this post

p4EgghcN2rEРеспубликысе курчак театрыште Марий Эл Республикым Вуйлатышын марий елкыжо телын 24-ше кечынже лиеш.

У ий пайремыш республикысе Правительство председатель  марий йылмым, сылнымутым, тӱвырам сайын палыше, тыгак район, республик да регион-влак кокласе конкурс да олимпиадылаште сеҥышыш лекше тунемше-влаклан ӱжмашым колтен.

Чылаже 120 йоча У ий кож йыр чумыргышаш. Нунын лӱмыштым район ден ола кӱкшытыштӧ пеҥгыдемдыме. Тунемше-влак «У ий йомакыште» марий калык йомак гыч герой-влак дене пырля тӱрлӧ туткарым сеҥен лектыт, сай койышышт дене осалым сеҥат, весела пайремым кондат. А Йӱштӧ кугыза ден Лумӱдыр йоча-влакым шере костенечышт дене куандарат.

«У ий йомак» деч вара пайремын унаже-влак Э.Гофманын пьесыж почеш шындыме «Щелкунчик» йоча спектакльым ончат.

Пайрем кышкарыште «Эн сай У ий марий костюм» да «Эн мотор У ий марий открытке» конкурс-влак эртаралтыт.

 

0