РУССКИЙМАРЛА КАРТА САЙТА

Самырык тукымын XIII-шо лудмашыже

internet-bookshop-300x2402018 ий 18 октябрьыште В.Колумб лӱмеш  йоча да самырык-влаклан книгагудо библиотеке пашаеҥ-влакым, туныктышо, мер организаций, газет пашаеҥ-шамычым «Лудаш жап!» лӱман самырык тукымын XIII-шо лудмашышкыже ӱжеш. Вашлиймашын темыже — «Книгагудо цифр курымышто: кушмо йӧн».

Мероприятий жапыште самырык тукым дене пашам ыштыме годым  кызытсе  информационный ден коммуникационный технологий опыт-влак дене ваш палдарымаш лиеш. Вашмутланымашын тӱҥ задачыже-влак — книга фондым электрон ресурс дене пойдарымаш, цифр курымышто лудмашым вияҥдымаште проект-влакын презентацийыштым ыштымаш, информаций культурлан, медиаграмотлыклан тӱткышым ойырымаш.

2018 ийыште книгагудылан Валентин Христофорович Колумбын лӱмжым пуымылан 30 ий темеш. Самырык тукымын лудмашыж дене пайдаланен, тиде кечын поэтым шарныме  мемориал пӧлемым почмаш лиеш.

Самырык тукым лудмашлан йодмашым 2018 ий 8 октябрь марте мемнан сайтыште возыман.

Самырык тукымын XIII-шо лудмашыже Увер серыш

Самырык тукымын XIII-шо лудмашышкыже йодмаш