РУССКИЙМАРЛА КАРТА САЙТА

«Изи мӧр пеледыш» сылнын тӱзлана

morp1 июньышто Йошкар-Олаште, Калыкле президент сымыктыш школышто, «Изи мӧр пеледыш» республик кӱкшытан йоча пайрем эртаралтеш. Тудо Йочам аралыме тӱнямбал кечылан да Пеледыш пайремлан пӧлеклалтеш. Мероприятий 10 шагатлан тӱҥалеш.

Йоча пайремым Республикысе марий тӱвыра рӱдер Марий Элын тӱвыра, печать да калык-влакын пашашт шотышто министерствын, Туныктыш да шанче министерствын, Йошкар-Оласе администрацийын тӱвыра управленийже, «Мер каҥаш» да «Российысе марий-влакын федерал калыкле-тӱвыра автономийышт» мер ушем-влакын полшымышт дене пырля эртара. Тушко йочасадыш коштшо да школышто тунемше-влак (6-шо класс марте) ӱжалтыт.

Йоча-влакым марий йомакысе талешке-влак саламлаш тӱҥалыт, тӱрлӧ модышыш уша. Тыгак пайремын изи унаже-влакым «Шовын шӱвыроҥ» шоу вуча, концерт программат оҥай лийшаш. Тушто оласе да районласе йоча коллектив-влак мастарлыкыштым ончыктат.

«Изи мӧр пеледыш» йоча пайремыш ушнаш кумылан-влакым mari-centr@mail.ru электрон адресыш йодмашым колтышаш улыт.

«Марий тӱвыра рӱдер» сайт гыч.