РУССКИЙМАРЛА КАРТА САЙТА

«Кандашымше — ойыртемалтше»

8 мартаМемнан деке шошо пайрем — 8 Март — лишемеш! Тиде кечым Российыште веле огыл, тыгак Йӱдвел Корейыште да Китайыште палемдат. Моло эллаште кугыжаныш пайрем семын огыт пайремле гынат, 8 Март кажне ийын утларак да утларак палыме кечыш савырна.

Тиде пайрем вашеш мемнан книгагудышто «Кандашымше — ойыртемалтше» лӱман викторине эртен. Тушто 2-шо номеран коррекционной школ гыч тунемше-влак лийыныт.

Нуно ӱдырамаш писатель-влакын произведенийыштым шарналтеныт да сылнымут гыч эн мотор героиньым ойыреныт. Тиде — Василиса Премудрая.

Самырык ӱдыр-влак коклаштышт кок конкурсный программе дене ӱчашеныт: «Кулинар кочкышым палыше-влак» да «Тӱвыт Леди». Сеҥышыш Анастасия Горохова лектын да пӧлекым налын.

Рвезе-шамыч пырля тунемше ӱдыр-влакым 8 Март дене саламленыт. Вашлиймаш мучашыште тунемше-влак ава-кова-шамычлан саламлымашан открыткым возеныт.

DSC03950-1DSC03947