Книгагудышто «Крокодил Гена да чылан, чылан, чылан» сылнымут пайрем эртен. Тудо йоча писатель Эдуард Николаевич Успенскийын 80 ияш юбилейжылан пӧлеклалтын. Вӱдышӧ-влак йоча-шамычлан писательын илышыж нерген каласкаленыт.

Икшыве-влак Эдуард Николаевичын йомаклаж гыч Крокодил Гена, Чебурашка, Люся лӱман ӱдыр, почтальон Печкин да моло герой-влакше дене вашлийыныт. Шоҥго кува Шапокляк йоча-влак дене сем викториным эртарен. Матроскин Пырыс да Шарик почтальон Печкин дене уэш уӵашымаш марте шуыныт, но келшымаш сеҥен! Мероприятий мучаште йоча-влак  Э.Успенский деч серышым налыныт, тудым почтальон Печкин конден: «Шергакан йоча-влак! Тыланда мыйын йоча тӱням келшыже манын шонем. Йомакысе героем-влак тендан поро йолташда-влак лийышт. Ӱшанем, мыйын произведением-влак деке йӧратымаш але тӱҥалеш веле. Тыланда поро корным да герой-влак дене у вашлиймаш-влакым тыланем».

---