«Российын символжо-влак» Всероссийский Олимпиадын иктешлымашыже

Rate this post

Символы_России_Лого-олимпиада Пагалыме йолташ-влак!
23 ноябрьыште «Российын символжо-влак» Всероссийский олимпиаде лийын. Тудо регионласе чыла тунемше-влакын кок тӱрлӧ ийготан категорий коклаште (8 — 10 ийготан-влак да 11 — 14 ийготан-влак) эртен. Олимпиадыште чылаже Россий Федерацийысе 82 регион гыч 39 143 участник 1442 площадкыште таҥасен.
Мемнан республик гыч Олимпиадыште 99 тунемше участвоватлен.

Ме уло кумылын сеҥыше-влакын лӱмыштым увертарена! Теве нуно:

  • 8-10 ийготан-влак категорийыште Звенигово поселко гыч Дания Ганеева ден Йошкар-Ола гыч Максим Удалов, коктынат икгай кӱкшӧ баллым погеныт.
  • 11-14 ийготан-влак категорийыште Марий Турек районысо Карлыган ял гыч Мария Федотова.

Уло кумылын саламлена!

Нуно диплом ден книга пӧлекым налыт. Чыла участниклан именной сертификатым кучыктат.

Олимпиадын участникше ден сеҥышыж-влакым саламлымаш 31 декабрь деч ончыч (лачак кунамжым ончылгоч увертарена) В.Х.Колумб лӱмеш республикысе йоча да самырык-влаклан книгагудысо ончер пӧлемыште лиеш.
«Российын символжо-влак» Всероссийский Олимпиадым кажне ийын РФ тӱвыра министерствын полшымыж дене Россий кугыжаныш йоча книгагудо, В. И. Даль лӱмеш руш сылнымут историй тоштер, Руш географический ушем эртарат.

Поделиться в социальных сетях

0