Мемнан книгагудышто «Нева сарыште тудо лийын сеҥалтдыме» ушым шуарыме модыш программа лийын. Тушто Йошкар-Оласе кыдалаш спецальностян тунемме т ӧнеж гыч йоча-влак участвоватленыт. Тушеч ме фоторепортажым темлена:

Марий калык вургем  – тӱвыран ик эн тӱҥ ужашыже. Тудо книга гаяк: лудын, ме калыкнан илыш радамжым, чон кӧргӧ  поянлыкшым, тудын моторлык нерген умылымашыжым эскерена.

«Эн кугу поянлык  –

икте-весе дене вашмутланымаш»

( Антуан де Сент ­ Экзюпери )

Книгагудышто эртаралтше усталык вашлиймаш-влак ынде поро йӱлаш пуреныт. Тидыже лудшына-влакланат моткоч келша. Шукерте огыл поэт, Россий писатель-влак ушемын еҥже Геннадий  Смирнов дене вашлиймашыш Йошкар-Оласе 9-ше номеран школын 11 классыштыже тунемше-влак толыныт.

Геннадий Николаевичын каласкалымыже кумылым нӧлта, а поэзий талантше кеч-кӧнат шӱм-чонжым тарвата. Вет тудын почеламутлаштыже илышын чынже ончыкталтын.  

«Боратынский оригинален — ибо мыслит. Он был бы оригинален и везде, ибо мыслит по-своему, правильно и независимо, между тем как чувствует сильно и глубоко»

А. С. Пушкин

1800 ий 2 мартыште шӧртньӧ курымын палыме руш поэтше Евгений Абрамович Боратынский шочын. Евгений Абрамович — руш сылнымутышто ик эн палыме, но мучаш марте шымлыдыме поэт. Боратынскийын икымше почеламутшо 1819 ийыште савыкталтын. 1826 ийыште «Эда» ден «Пиры» поэмыже-влакын лекмышт деч вара Евгений Баратынскийым  ик эн виян возышо семын А. С. Пушкин, М. Ю. Лермонтов, И. С. Тургенев дене пырля тӧр шынденыт.

2 мартыште – поэтын шочмо кечыж вашеш – книгагудышто «Евгений Боратынскийым лудына» VI всероссийский акций негызеш «Палыдыме гений» сылнымут прогулкым эртарыме. Мемнан книгагудо тиде акцийыш кажне ийын ушна да поэзийм аклыше-влакым чумыра.

Акцийын участникше-влак  XIX курым тӱҥалтышыш вонченыт, мастар поэтым шарналтеныт да почеламутшо-влакым лудыныт.

Кажне ийын эртарыме сылнымут прогулка-влак самырык-шамычлан  XIX курымсо поэт-влакын творчествышт дене палыме лияш полшат.