Мемнан шумысеҥышна Электрон каталог Аклыммут

Ныл пагыт

IMG_9970№76-шо йочасадысе икшыве-влак  К.Ушинскийын «Четыре желания» книгаже почеш сылнымут викториныште участвоватленыт. Мемнан пӱртӱсын  чыла пагытшат шкешотан, тӱрлӧ койышан, йоча-влакланат жапым эртараш йӧнан. Мероприятийыште икшыве-влак ятыр модыш дене модыныт: пуш-влакым колтеныт, пакча-саскам погеныт, лум чумырка дене модыныт, поҥго погаш коштыныт. Тыгак туштым туштеныт, кажне пагытын  шкенжын ойыртемже улмым пеҥгыдемденыт. Писатель К.Ушинскийын Митя лӱман геройжо семынак, йоча-влак иктешлымашым ыштеныт: пӱртӱсын кажне пагытше  мотор да ӧрыктарыше. Сай, кунам теле, шошо, кеҥеж да шыже икте-весыштым алмаштат. Тек нуно кажне ийын толыт да мемнам куандарат.

Кӱсото: кумалтыш отын ӱмылыштыжӧ

245«Колумб дене» сылнымут пӧлемыште 29-ше номеран школын 7-ше классыштыже тунемше ӱдыр-рвезе-влаклан марий калыкын чимарий вераж нерген  «Кӱсото: кумалтыш отын ӱмылыштыжӧ» исторический экскурс лийын.

 Кӱсото — марий калыкын юмылан кумалме, моткочак жаплыме верже. Шке вераштым арален кодаш манын, марий-влак ятыр курымла дене кучедалыныт. Южо кӱсотышто кумалтыш ик ийлан ик гана эртаралтеш гын, южо вере 5-7 ийлан ик гана. Марий Эл Республикыште 300 наре кумалтыш ото уло. Кӱсотышто тӱҥ верлан онапу шотлалтеш. Тудо юмо да кумалаш толшо калык коклаште вашкылым ыштыше пушеҥгылан шотлалтеш. 

«Илыш книга»

DSC05295 «Калейдоскоп» ончер пӧлем талантан самырык сӱретче, Россий художник ушемын еҥже Анна Санникован пашажым аклаш темла. Радынаш вочшо сӱрет-влакым марий калыкын илыш книгаже манаш чыла амал уло. Нуно Кугу Юмын Мландым шочыктымо пагытым, марий калыкын акрет годсо илышыжым почын пуымаш гыч тӱҥалыт. Сӱрет-влаклаште шочмаш ден колымаш темым, пайрем йӱлам, марийын тыглай кечысе илышыжым ужаш лиеш. Чыла композиций-шамыч марий тӱр дене сӧрастарыме улыт. Паша-влакын эше ик оҥай ойыртемже: радына-влакым пушеҥге йытырыш мастарын вераҥдыме.

«Лудаш жап!». Самырык тукымын XII-шо лудмашыже

openness-clipart-gg61340009

 2017 ий 26 октябрьыште  В.Х. Колумб лӱмеш Республикысе йоча да самырык-влаклан книгагудышто «Лудаш жап» лӱман самырык тукымын XII-шо лудмашыже эрта. Тиде гана тудын темыже : «Книгагудо да лудшо: вашлийме  толкын».

Республиканский  да муниципальный книгагудо пашаеҥ-влаклан, тыгак тунемме тӧнежысе специалист-шамычлан самырык тукымым  книга деке кузе шӱмаҥдыме йодышым тӱрлӧ проект, методике полшымо дене каҥашаш темлалтеш.

Каҥашымашке ушнаш кумылан-влаклан йодмашым 2017 ий 16 октябрь марте  тыгай  адрес дене пуыман: rdub_mo@mail.ru

Информационное письмо

Регистрационная форма

«Умничка » клуб шке тургымжым почын

ks410 сентябрьыште книгагудысо «Vоображариум» лӱман пӧлемыште йоча-влаклан «Умничка» модыш клуб у тургымым почын. Икшыве-шамыч шке йолташышт-влак дене кумылын вашлийыныт, адакшым у ӱдыр-рвезе-влак денат палыме лийыныт. Икшыве ден ача-ава-шамычлан икымше занятийым педагог ден психолог эртареныт. Йоча-влак идалыкысе пагытла дене, шыже пӱртӱсыштӧ лийын шогышо вашталтыш дене палыме лийыныт. Нуно туштым туштеныт, модыш дене модыныт. Психолог ача-ава-влаклан йочам вияҥдыме шотышто ятыр ой-каҥашым пуэн. Мучашлан чыланат  «Шыже чодырасе йомак» темылан аппликацийым ыштеныт.

Мемнан клубын занятийышкыже чыла кумылан йоча-влакым пагален ӱжына!

Занятий-влак 2 гыч 5 ияш марте икшыве-влаклан эртаралтыт.

ks3 ks2 ks1

Лӱдыкшыдымылык школ

P1020791 - копия

Лӱдыкшыдымылыклан пӧлеклалтше месячник негызеш книгагудышто «Лӱдыкшыдымылык школын» модыш занятийже-влак эртеныт. Тушто «Шонанпыл» Православный йочасад гыч икшыве-влак да Бауман лицейын 7 «б» классыштыже тунемше-влак лийыныт. Тунемше-шамыч Нина Павловна Иванова дене вашлийыныт. Тудо  – Утарыше-влакын Всероссийский студенческий корпусысо региональный пӧлкам вуйлатыше.

Екатерина Клюжева дене вашлиймаш

Рисунок4Екатерина Клюжева тыглай  писатель гына огыл, а йоча писатель. Икшывылан возаш поснак кугу мастарлык кӱлеш. Вет йочалан возышо айдеме тӱням йоча семынак ужын да шижын моштышаш.
Вашлиймашыш Йошкар-Оласе А.С.Пушкин лӱмеш гимназийын 3«в» ден 3«д» класслаштыже тунемше-влакым ӱжмӧ ыле. Тӱҥалтышлан Екатерина Клюжеван творчествыж нерген презентайций да книга ончер дене палыме лийме.