РУССКИЙМАРЛА КАРТА САЙТА

Регион кокласе изи ийготан йоча-влаклан эртаралтше «Сар, тыныслык, Сеҥымаш нерген» I-ше лудмо конкурсым иктешлымаш

победа дошкольники

Шерге йолташ-влак!

Кугу Отечественный сарыште сеҥымылан 67 ий темме лӱмеш Регион кокласе изи ийготан йоча-влаклан эртаралтше «Сар, тыныслык, Сеҥымаш нерген» дистанционный лудмо конкурс мемнан книгагудышто икымше гана лийын.

Конкурсышто Марий Эл Республика да Российысе вес регионла гыч 4 гыч 7 ияш марте ийготан йоча-влак ӱчашеныт. Конкурсыш 389 паша пурен, нунын кокла гыч 339 паша ончалтын.

Конкурсышто лудшо йоча-влакын видеовыступленийыштым жюри аклен: тиде — йоча поэтесса, «Стихологово на Кокшаге» литературный клубын вуйлатышыже Кулалаева Жанна Васильевна, В.Х.Колумб лӱмеш книгагудын фото- да видеосъемкын специалистше Смоленцева Анна Александровна, тӱҥалтыш класслам туныктышо Комиссарова Мария Петровна, Россий писатель ушем еҥ Веселов Алексей Анатольевич.

Жюри 10 эн сай пашам да кум дипломантым ойырен. Сеҥыше-влакым уло кумылын саламлена:


«Шке еш коклаште» пазл-квиз

15 май — Ешын тӱнямбал кечыже. Кажне айдемылан еш — тиде эҥертыш, ӱшан, ончыклык. Еш илыш йӱлам арала, икте-весе кокласе кылым ышташ туныкта. Ме тыланда еш да тукым кокласе кыл шотышто  пазл-квизым шергалаш темлена.


«Могай сай тӱняште сар дечын посна!» Республиканский лудмо конкурсым иктешлыме

DSC08065_Шерге таҥ-влак! Мемнан книгагудышто кудымшо гана В нашей библиотеке шестой раз прошел ежегодный «Могай сай тӱняште сар дечын посна!» Республиканский лудмо конкурс эртен. Тудо Кугу Отечественный сарыште сеҥымашын 76 ияш лӱмгечыжлан пӧлеклалтын.

Конкурсышто Йошкар-Оласе да Марий Эл Республикысе кыдалаш тунемме тӧнежла гыч студент ден школьник-влак участвоватленыт. Конкурс ийгот шот дене кум категорий дене эртен:

  • 1-4 класс-влак,
  • 5-8 класс-влак,
  • кугурак классла да студент-влак.

Участник-влакым  жюри аклен: тиде — поэтесса, РФ писатель ушем еҥ, Марий Эл Республикын сулло пашаеҥже, Олык Ипай лӱмеш Кугыжаныш премийын лауреатше Альбертина Петровна Иванова (Аптуллина); поэтесса, Олык Ипай лӱмеш Кугыжаныш премийын лауреатше  Надежда Геннадьевна Никитина (Гордеева) да запасысе подполковник, Йошкар-Оласе ракетный дивизийын Ветеран-влак ушем вуйлатыше Иван Петрович Фербер.

А ТЕВЕ СЕҤЫШЕ-ВЛАКЫН ЛӰМЫШТ>


«Руш мландын шнуй патырже»

DSC076212021 ийыште Российыште руш князь Александр Невскийын шочмыжлан 800 ий палемдалтеш. Ончыклык полководец, мыслитель, дипломат Александр Невский 1221 ий 13 майыште Переславль-Залесский Ярослав Всеволодовичын ешыштыже шочын. Тиде кугу пайремлан сылнымут да сымыктыш пӧлкаште    «Руш мландын шнуй патырже» книжно-иллюстративный ончер почылтын.


«Йоча-влаклан сар нерген лудына» XII тӱнямбал акций

Кызыт Кугу Отечественный сар нерген ятыр ойлат, шуко почеламутым, ойлымашым, повесть ден романым лудыт. Чыла тиде чын. Но кушкын толшо тукымлан сар нерген ме утларак ойлышаш улына. Вет нуно мемнан элым аралыше ончыклыкна улыт. Йоча-влаклан сар нерген лудаш ятыр книга уло. Кызыт тыланда ме Элла Фонякован «Хлеб той зимы» произведенийжым колышташ темлена да изи ӱдыр Ленан шинчаж дене Ленинградысе блокадым ончалаш ӱжына.


«Лаштык гыч — колыдымашыш» онлайн-викторина

litvovКугу Отечественный сарын кышаже утыр да утыр шеҥгелан кодеш. Тек сӧй пасу-влак шудо дене кушкын пытеныт, но калыкнан Сеҥымашым кондышо героизмже мемнан шарнымаш гыч ок ӱштылалт.
Кугу кредалмаште сылнымутат ӧрдыж гыч ончышо гына лийын огыл, а сарын участникше лийын. Ятыр совет писатель ден поэт кредалмаште лийын, ала-кӧжӧ  военный корреспондентлан пашам ыштен, ала-кӧжӧ партизан отрядыште лийын…
Салтак-влак сылнымутым лудыныт веле огыл, а шӱм воктенышт Шолоховын, Толстойын, Леоновын очерк ден статьяшт-влакым, Твардовскийын, Симоновын, Сурковын почеламутыштым араленыт. Поэзий ден проза, спектакль ден фильм-влак, муро ден сӱрет радына-влак лудшо еҥым подвигыш ӱжыныт, сеҥымашым лишемдаш полшеныт.
Ме тендам «Лаштык гыч — колыдымашыш»литературный онлайн-викториныш ушнаш ӱжына. Тыге те автор да тудын произведенийже-влакым шарналтен кертыда. Кугу Отечественный сарысе талешке-влакын подвигыштым вес тукымлан шарнаш кодаш манын, ме тыршышаш улына.

Пашада ушныжо!
Сеҥышым сертификат вуча!
Викториным иктешлыме жап — 15 июнь.

 Таче викториным иктешлена.


«Марий талешке кече» модыш

nac_geroy Марий талешке кечым ме кумдан палемдена. Кажне калыкын историйыштыже шке калыкше верч шогышо геройжо-влак улыт. Руш-влак Дмитрий Донской ден Сергий Радонежский, эстон-влак Лембиту, венгр-влак Янош Кошут, мордва-влак Бургас дене кугешнат. Марий калыкын мифологический да исторический геройышт — Болтуш, Онар, Чумбылат, Чоткар-патыр, Кокша, Мамич-Бердей, Акпарс, Акпатыр. Марий калык талешке-влаклан пӧлеклалтше модышыш ушнаш уло кумылын ӱжына.

МОДАШ