Виртуал ончер-влак Электрон каталог Аклыммут

Йолташ-влак коклаште

DSC06317

Родо-тукым калык-влакын кечышт финн-угор тӱняште ик эн тӱҥ пайремлан шотлалтеш. Пайрем историйын вожшо торасе кодшо курымыш кая. Икымше гана финно-угор-влакын кечыштым 1928 ий 28 февральыште палемденыт. Лач тунамак Финляндийыште Калевалан кечыже эртен. Ик ий эртымек, тыгай кече вашеш Эстонийыште мероприятий-влак лийыныт. 1931 ийыште финн-угор тӱвыран IV Конгрессше годым Эстонийыште, Финляндийыште да Венгрийыште кажне ийын октябрьын кумшо арняштыже палемдаш пунчалме. 1991 ий гыч нине калык-влак деке Российыште илыше калык-шамычат ушненыт. Пытартыш лу ий жапыште нине Кече-влак финн-угор калык-шамычым ушышо символ семын палемдалтыт, нунын тӱвыраштым, сымыктышыштым пойдараш амалым ыштат.

19 октябрьыште тиде Кече вашеш мемнан книгагудышто  «Йолташ-влак коклаште» этнографий мозаика эртен.


«Тургеневым почаш жап» сылнымут шагат

P1030011-1

Иван Тургенев XIX-ше курымысо руш писатель-влак коклаште ик эн ончыл радамыште лийын. Тудын ыштыме сылнымут системыже Российыште веле огыл, тыгак вес эллаштат романын поэтикыжым вашталтен. Тудын произведенийже-влакым моктенытат, вурсенытат, а Тургенев илышыж мучко тугай йӧным кычалын, кудыжо Российым пеледме корныш шогалтен кертеш. 

9 ноябрьыште руш кугу писатель да поэт, пӱртӱс мурызо И.С.Тургеневын шочмыжлан 200 ий темеш. Тудын илыш да творчествыжлан мемнан книгагудышто «Тургеневым почаш жап» сылнымут шагат пӧлеклалтын. Тушко Клыкле президент школ-интернатысе 7 да 8 класслаште тунемше-влак погыненыт ыле. Нунылан классикын кӧргӧ чон тӱняжым почын пуаш полшышо мультимедийный презентацийым ончыктымо. Теве, мутлан, И.Тургеневын мутшылан возымо «Утро туманное» романс писательын Шочмо эл дек, калыкше дек, руш йылме дек йӧратымашыжым сайын почеш. 


«Чодыран, ший вӱдан кундемна» республиканский лудмаш конкурс

DSC06214-1Шергакан йолташ-влак!

4 ноябрь — Марий Элын шочмо кечыже. Тиде пайрем вашеш ме тендам «Чодыран, ший вӱдан кундемна» республиканский лудмаш конкурсыш ушнаш ӱжына.

Конкурсышто Йошкар-Оласе да Марий Эл Республикысе общеобразовательный учрежденийлаште, профессиональный образовательный учрежденийлаште да вузлаште тунемше-влак вийыштым терген кертыт.

Конкурс 30 октябрьыште 10.00 шагатлан книгагудын конференц-залыштыже тӱҥалеш.

Участник-влаклан книгагудын сайтыштыже регистрационный формым ыштыман.

Конкурсыш ушнаш шонышо-влаклан Положенийым ончалман.

Йодмашдам 25 октябрь марте вучена!


6 октябрьыште Сергей Григорьевич Чавайнын шочмыжлан 130 ий темын


6 октябрьыште марий литературын классикше Сергей Григорьевич Чавайнын шочмыжлан 130 ий темын. Тудын творчествыже ятыр шӧрынан. С.Чавайн — ятыр почеламутын, ойлымашын, повесть ден пьесын авторжо.
Ме тендам С. Чавайнын икмыняр произведенийже дене палдарена.


Кушто ила тушто?

DSC05091-1

«Шонаш сай, шонен муаш эше сайрак

калыкмут

Тушто-влак пеш акрет ийла гычак толыныт. Йомак семынак нунат ик еҥ деч вес еҥ дек кусненыт. Тушто-влаклан вашмутым пуаш манын, уш-акылым сайынак пудыратыман. Садлан тудым еҥ-влак чоянрак чоҥаш тыршеныт. Нуно тӱткылыкым шуараш, тӱняумлымашым вияҥдаш полшат. А те туштым йӧратеда? Туге гын, ме тендам Йомак пӧлемыште вераҥдыме «Кушто ила тушто?» книга ончерыш пагален ӱжына.

Те тыште руш калык тушто дене пырля тачысе пагытлан келшыше тушто-влакымат муыда. Нунын полшымышт дене пырля те шкендамат, йолташдамат терген кертыда.

Эн пӱсӧ  уш-акылан лудшо-влакым

 «Туштым луд — вашмутым му» модыш вуча!

Чын вашмутлан изи лудшо-влакым СЮРПРИЗ вуча!

               Книгагудыш пагален ӱжына!    


«Нылле уныкаже лийын кован»

DSC048881 октябрь — Илалше еҥ-влакын тӱнямбал кечышт. Тиде кече коча-кована-влакланлан тау шомакым ойлаш эше ик сай амал. Мемнан деке толшо изи уна-влак «Нылле уныкаже лийын кован» лӱман интерактивный урокышто лачак коча-кова-шамыч нерген мутланеныт, модыныт, почеламутым лудыныт, сценкым модыныт. «Аленушка» группыш коштшо йоча-влаклан чылажат оҥай лийын: акрет курымла гыч толшо калыкмутан модыш-шамыч, пагалыме шоҥгыеҥ-влак нерген муро, а эше йоча-влак шке кидышт дене пӧлек-влакым ыштеныт. Тыгай погынымашын  шонымашыже — тек икшыве-влак коча-кова дене пырля эртарыме жапым пиалан тат семын аклышт, нуным пагалышт, тазалыкыштым перегаш полшышт.


«Ясный Полянын волгыдыжо»

DSC04680

9 сентябрьыште руш писатель Лев Николаевич Толстойын шочмыжлан 190 ий темын. Тиде лӱмгече вашеш «Ясный Полянын волгыдыжо» лӱман сылнымут салонышто погынымаш эртен. 9-ше номеран школын 10-шо классыштыже тунемше-влак кугу писательын илыш да творчествыж дене лишкырак палыме лийыныт. Толстой тӱнямбал кӱкшытан возышо веле огыл, тыгак моткоч кумда чонан, поро, мунло айдеме лийын. Вашлиймашыште йоча-шамыч Лев Николаевичын йӧратыме композитор-влакшын произведенийлашт гыч ужашым колыштыныт. Нине сем-влак колыштшо еҥым акрет жапыш пӧртылтеныт.

«Толстойым палыде, шкендым элетым палышылан, шкендым культурный айдемылан шотлаш ок лий», — возен Максим Горький.