РУССКИЙМАРЛА КАРТА САЙТА

«Фэнтезин озаже»

DSC06601

«Никто не верит мне, когда я говорю, что моя длинная книга — это попытка создать мир, в котором язык, соответствующий моей личной эстетике, мог бы оказаться естественным…»
Дж. Р.Р. Толкиен

Тений Джон Рональд Руэл Толкиенын 130 ияш юбилейже палемдалтеш. Тудо — англичан филологий профессор,  писатель, тӱнямбал сылнымутысо фэнтези жанрын классикше, «Властелин колец» трилогийын, «Хоббит» повестьын да «Сильмариллион» элбьфийский эпосын авторжо. Лач тидын нергенак каласкала «Фэнтезин озаже» книжно-иллюстративнный ончер-бенефис. Толкин филологический модыш-влакым йӧратен, кыдалаш курым жапысе текст-влакым кусарен, ожнысо йылме наречий-шамычым тунемын. Юзо тӱня, йомак герой, дракон, гном, эльф-влак… Ну кузе от йӧрате тудын произведенийже-влакым? Ончерыште улшо книга-влак мо тугай хоббит-влак, могай йылме дене кутырат эльф-шамыч да моло шуко нергенат каласкалат. «Миры Толкиена» иллюстрированный энциклопедий гын посна верым налеш.

Книгагудыш пагален ӱжына!


«Тыглай юзо» онлайн-викторинам иктешлена

sw230Шерге йолташ-влак!

Кумдан палыме писатель да драматург Евгений Львович Шварцын илыш да творческий корныжлан пӧлеклалтше «Тыглай юзо» сылнымут викториным иктешлаш жап шуын. Тудо — оҥай пьеса ден сӧрал йомак-влакын авторжо.

Викторинын участникше-влаклан писательын илышыж гыч 19 йодыш лийын. Чын вашмутым пуышо-влак ятырак лийыныт. Но эн ондак да чын вашмутым Марий Эл Республикысе Руэм посёлкышто илыше Иван И. пуэн. Тудо СЕҤЫШЫН ДИПЛОМЖЫМ налеш!

Сеҥымаш дене саламлена!!!


«Юзо лумпырче»

У ий лишемеш, тугеже тугеже лумпырче-влакымат ышташ жап шуын. Ме тыланда нуным бисер полшымо дене ышташ темлена. Пашалан пижса веле. ❄❄❄


«Ийын символжо-2022» конкурсым иктешлена

Rh0woDY6VEQ

Уремыште теле. Жап шукат ок код — У ий пайремат толын шуэш. Тудо эн весела, эн куанле, эн мотор! Мемнан книгагудышто «Ийын символжо» лӱман кидпаша у ий конкурс сай йӱлаш пурен. Шушаш 2022 ийын символжо — Тигр. Конкурсыш 130 паша пурен, кажныже шке семынже сӧрал. Йошкар-Оласе да республикысе районла гыч йочасад ден школла гыч йоча-влак тӱрлӧ техника дене ыштыме паша-шамычым конденыт: аппликаций, нӧнчымӧ, пидме, фетр гыч ургымо, кагаз гыч ыштыме, папье-маше да тулеч молат. Жюрилан иктешлаш неле лийын гынат, сеҥыше-влакым садак палемдыме. Сеҥыше-влакын лӱмыштым уло кумылын ончыктена! 

 Конкурсышто сеҥыше да тыгак чыла участник-шамычым саламлена!


«У ий фантазий»

IMG_20211214_090140_046-2У ий  — эн йӧратыме, йомак кумылан еш пайрем. А могай У ий мотор кож деч посна? Туштыжо — янда тыртыш, йомак герой-влакын фигурышт, йылгыжше мишура, а эн кӱшнӧ шӱдыр волгалтеш.

Ожно У ий кожым кузе сӧрастареныт, модыш-влакым сакалыме историй кушеч лектын — чыла тидын нерген 37-ше номеран йочасадын икшывыже-влак «У ий фантазий» шинчымаш шагатыште пален налыныт. Ӱдыр-рвезе-влак весела пайремлан кузе ямдылалтмышт, кожым могай модыш дене сӧрастараш тӱҥалмышт нерген каласкаленыт. Вашлиймаш годым мотор мультимедийный презентацийым онченыт. А мучашлан почеламут-влакым лудыныт.


«Муро шулдыран чонем»

DSC04456Декабрь тылзыште марий поэт Лидия Геннадьевна Иксанова шке лӱмгечыжым палемда. Тудын юбилейже вашеш краеведений пӧлкаште «Муро шулдыран чонем» книжно-иллюстративный ончерым вераҥдыме. Почеламут сборникше-влак дене пырля тудын творчествыж нерген статья ден интервью-влакымат муаш лиеш да талантан автор нерген лишкырак палыме лияш йӧн уло.


«Калыкын илышым палыше»

nekrasov2

Чапланыше руш поэт Николай Некрасовын шочмыжлан пӧлеклалтше  виртуальный книга ончер тудын илыш да усталык корныж нерген каласкала.