РУССКИЙМАРЛА КАРТА САЙТА

«Юзо коробка»

DSC02685Ятыр тошто йӱла кызытсе самырык тукымлан тушто семын улеш. Ожнысо сылне йомак, муро-куштымаш дене палыме лияш мемнан книгагудышко изи лудшына-влак толыныт да «Юзо коробка» калык ойпого калейдоскопышто участвоватленыт.  Ӱдыр-рвезе-влак ожнысо сурт ӱзгар-шамыч дене палыме лийыныт, йомак герой дене вашлийыныт. Нуно уло кумылын «Пуналт, чашма» модыш дене модыныт, такмакым муреныт, пу совла дене семым луктыныт да тулеч моло. Йоча-влак ятыр мом пален налыныт да кугезына-шамычын илыш-йӱлашт деке лишкырак лийыныт. 


«Могай сай тӱняште сар дечын посна» VII-ше Республиканский лудмо конкурсым иктешлымаш

Шерге таҥ-влак! 

IMG_6925«Могай сай тӱняште сар дечын посна» VII-ше Республиканский лудмо конкурс Сеҥымашын 77-ше идалыкшылан пӧлеклалтын. Тушто Йошкар-Оласе да районласе школышто да кыдалаш шинчымашым пуышо тӧнежлаште тунемше-влак вийыштым тергеныт. Йоча-влак поэтический произведенийым лудмаште  «1-4 класс-влак» да «5-8 класс-влак», тыгак «Кугурак класслаште тунемше да студент-влак» категорийлаште ӱчашеныт.

Конкурсышто жюри паша ыштен, тиде: Альбертина Петровна Иванова (Аптуллина) — поэт, Россий Писатель ушем еҥ, Марий Эл Республикысе тӱвыран сулло пашаеҥже, Олык Ипай лӱмеш кугыжаныш премийын лауреатше ; Сергей Африканович Щеглов — поэт, Россий Писатель ушем еҥ, «Литера» журналын тӱҥ редакторжо; Геннадий Николаевич Смирнов — поэт, Россий Писатель ушем еҥ ; Елена Фаридовна Хисамутдинова — поэт, Россий Писатель ушем еҥ ; Елена Юрьевна Яковлева (Моисеева)  — поэт, журналист да Дмитрий Яковлевич Шипунов  Марий Эл Республикысе ООД «Поисковое движение России» региональный пӧлкан вуйлатышыже.


«Еш зонтик йымалне» дистанционный квест-модыш

заст

Ешда дене жапым веселан, оҥайын да пайдалын эртарынеда? Тугеже  «Еш зонтик йымалне» дистанционный квест-модышыш ушнаш ӱжына! Модыш тылзе утла шуйна да 8 июлышто Еш кечын мучашлалтеш. 


«Чын айдеме нерген повесть»

1621667158_scale_1200Алексей Маресьевын лӱмжӧ самырык тукымлан лӱддымылыкын, героизмын примерже семын лийын кодеш. Борис Полевойын книгажлан кӧра тиде военный летчик мемнан ушышкына «чын айдемын» эталонжо семын пурен кодын. Б. Полевойын возымо повестьшын историйжым, прототипын фронтысо корныжым лишкырак пален налнеда гын, «Чын айдеме нерген повесть» подвигын летописьше дене палыме лияш темлена. Тудо летчик-истребитель Алексей Петрович Маресьевын героический чоҥештылме пагытшылан 80 ий темме лӱмеш пӧлеклалтын.

Ончылгоч возалташ телефон 34-15-12


«Кугу сарын изи геройжо-влак»

DSC01983Сеҥымашлан 77 ий темме лӱмеш мемнан книгагудышто «Кугу сарын изи геройжо-влак» шарнымаш шагат лийын, тушко 11-ше номеран йочасад гыч икшыве-влак толыныт.

Ӱдыр-рвезе-влак сар годсо йоча-влакын кугыеҥ дене тӧр пашам ыштымышт, партизан отрядыште лиймышт да подвигым ыштымышт нерген пален налыныт. Лёня Голиков, Марат Казей, Зина Портнова, Таня Савичева да моло герой-шамыч нерген ойлымашым колыштыныт. Вашлиймаш йоча-влаклан кужу жап шарнымашеш кодеш. 


«Марий талешке кече»

Марий калыкын легендыш, историйыш кодшо ятыр талешкыже уло. Нунын кокла ик  геройжо нерген  ошма анимаций полшымо дене ыштыме «Нӧнчык патыр» марий калык йомак каласкала, тудо «Илыше памаш» проект почеш ышталтын.

Йомакыште лӱддымӧ, ушан, тале марий Нӧнчык-патырын осал тушман ден кредалмыжым ончыктымо. Ончымо жапда поро лийже!


«Пу кидетым, лирика»

DSC01228Лӱмлӧ марий поэт Альберт Александрович Васильев шукерте огыл чапле лӱмгечыжым палемдыш. Тиде амал дене мемнан книгагудышто тудын дене вашлиймаш эртыш.

А.Васильевын ятыр йолташыже, коллегыже, землякше, студент-влак уста поэтын сылнымутшым колышташ да шкенжым саламлаш рӱж погыненыт. Альберт Александрович — икмыняр поэтический сборникын авторжо, тудын почеламутшо-влак келге философий, кумда тӱняумлымаш дене ойыртемалтыт.

Автор шке нергенжат оҥайын каласкалыш, йодыш-влакланат вашештыш.